Baztango jubenilek ere igoera lor dezakete igandean Giltxaurdin

Doneztebekoek lortua dute gaurgero eta larunbat eguerdian ospatuko dute zaleekin

Eskualdeko taldeen futbol denboraldia bukatzeko azken partidak jokatuko dituzte Baztan eta Doneztebeko jubenilek asteburuan. Baztanek, igande arratsaldean Giltxaurdin irabaztea aski izanen du mailaz igotzeko. Alesves izanen du arerio, berekin puntutan berdindua dagoena. Beraz, Villafrancako taldeak irabazten badu beraiek igoko dira. Eta berdinketarekin? Suerta daiteke Alesves igotzea (Villafrancan 3-2 irabazi zieten baztandarrei), baina baita hirugarren postuan puntu bakarrera dagoen Beti Onak taldea igotzea, irabaztea lortzen badu. Donezteben multzoan ez da matematikaren beharrik. Joan den astean lortu zuten lehen postua eta igoera doneztebarrek, denboraldi bikain baten ondotik.