Ondoren 2014ko memoria eta 2015erako lan plana aurkeztu ziren. Transizio garai moduan definitu zituen urteok Ibon Mimentzak, elkarteko gerente berriak. 2015a Nekazaritza Garapenerako Programa berrirako aldaketak markatzen du. Aurtengo lana, hortaz, 2007-2013 epeko proiektuen itxiera eta Programa berriaren abian jartzeak markatzen dute. Cederna-Garalurrek lurraldera gerturatzeko prozesuan sakontzeko asmoa du, azken urteotan izandako berregituratze prozesuaren ondorioz suertatutako tamaina berriari egokituz. Jarraian elkartearen estatutu berriak onartu ziren, eta baita ere Cederna Garalur Garapen Patzuergo moduan egituratzeko asmoa; honek eskualde mailan izan daitezkeen turismo arloko kudeaketa eta promoziorako iniziatiba berriak lagundu eta babesteko parada emango dio Cederna-Garalurri, azken urteotan hainbat Turismo Patzuergoen desagerpenak ekarri duen egoerari aurre egiteko