Martxoaren azken asteburuan abiatuko da Baztan-Errekako Laxoa txapelketaren hogeita hamaseigarren edizioa. Hameka talde ariko dira aurtengoan, 5 Doneztebekoak, 3 Arraiozkoak, 2 Iruritakoak eta Oizkoa. Berrikuntza moduan, izenaren ondotik, babesle duten etxearen izena eramanen dute taldeek aurten. Finala abuztuaren 1ean jokatuko da Iruritako plazan.
Bi multzotan banatuta ariko dira taldeak. A multzoan bortz talde izanen dira: Irurita-Miguelene eraikuntzak (Xabi Barberena, Gorka Urtasun, Jagoba Ramos eta Egoitz Prim), Arraioz C-Lur Sagardia (Xabier Bengoetxea, Daniel Saldias, Miguel Maritorena eta Sergio Navarro), Oiz-Kokoetxea gaztandegia (Andoni Saldias, Lander Mendiola, Ugutz Zelaieta eta Iñaki Mendiola), Doneztebe-Suma (Unai Sapuppo, Josu Juanena, Xabier Ibarrola eta Joseba Grazenea) eta Doneztebe-Apezteguia burdindegia (Ramontxo Etxebeste, Jon Apeztegia, Aritz Baleztena eta Iban Santesteban).
B multzoan, berriz, sei talde ariko dira: Irurita-Biek aholkularitza (Joseba Urtasun, Oscar Urrutia, Iñaki Etxandi eta Karlos Goikoetxea), Arraioz B-Lur Sagardia (Mikel Mindegia, Xabier Mihura, Aritz Alunda eta Xabier Maritorena), Arraioz A-Lur Sagardia (Iñaki Mihura, Jon Gamio, Asier Zubigarai eta Jesus Mari Laurnagarai), Doneztebe-Gubaigu (Emilio Zabala, Andoni San Martin, D. Pio Garcia eta Eloy Garcia), Doneztebe-The Moment gaur egungo txapeldunak (Pascual Bertiz, Koldo Legarra, Javier Bertiz eta Jokin Arraztoa) eta Doneztebe-Avia (Asier Mutuberria, Javier Almandoz, Bittor Mendiburu eta Juan Telletxea).
Multzo bakoitzeko lau lehenbizikoek final laurdenak jokatuko dituzte ekainaren 20 eta 27an eta uztailaren 4ean; irabazleek finalaurrekoak joktuko dituzte uztailaren 11, 18 eta 25ean eta finala Iruritako plazan jokatuko da abuztuaren 1ean.
Lehenbiziko jardunaldia asteburuan
Aipatu bezala, asteburu honetan jokatuko da lehen jardunaldia, partida hauekin:
A Multzoa
Arraioz C Lur-Sagardia – Doneztebe Suma, larunbatean 17:00etan
Doneztebe Apezteguia – Irurita Miguelene, larunbatean 17:00etan
Oiz-Kokoetxeak atsedena.
B multzoa
Irurita Biek – Arraioz B-Lur Sagardia, larunbatean 17:00etan
Arraioz A-Lur Sagardia – Doneztebe Avia, igandean 11:30ean.
Doneztebe The Moment – Doneztebe Gubaigu, igandean 11:30ean.