Haur Hezkuntza eta Lehen Hezkuntzako ikasleek laminak, sorginak, aker-beltz, galtzagorriak, tartalo eta beste hainbat pertsonaien mozorroz jantzita urteroko desfileari kolorea eta ikuskizuna emanen diote. Urtero egiten den bezala, goizeko 11etan kurtsoka eta ongi antolatuta aterako dira gure txiki eta gaztetxoak. Doneztebeko karriken barna ibili ondoren Bear-Zana pilotalekura ailegatuko dira eta bertan dantza batzuk eskainiko dituzte. Ondotik, berriz kalejiran eskolara itzuliko dira. Eguerdian bazkari goxo-goxoa dastatuko dute (egun horretan ikasle guziek aukera dute bertan bazkaltzeko). Bazkaldu ondoren frontoian musikak bazkalondokoa alaituko du, denon gozamenerako.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun