Eguberrietako bestak pasa berriak izanda ere, Elgorriagako inauteak ere ospatu berri dituzte. Urtarrilaren 16an, ortziralean, herriari buelta eman zioten trikitilariekin eta ondoren afaria izan zuten Herriko Ostatuan. Gero, noski, ortziral arratseko bestak segitu zuen larunbat goizeko ordu ttikiak arte.
Ilbeltzaren 17an, larunbat goizeko gosariaren ondotik, puxkak bildu zituzten herrian barna eta gero bazkaldu egin zuten gazteek Hilarionen. Arratsaldean mozorro desfilea egin zen eta hori akituta zozketa. Gero, urteroko ohiturari eutsiz, gazteek goizeko eskean lortzen duten arraultzak, txistorra eta urdaiazpikoa eskaini zioten herritarrei, berendua egiteko. Arratsean afaria izan zen Hilarionen eta larunbateko ospakizunak akitzeko, akordeoiaren musika herriko ostatuan.
KONTUEN EGUNA HILAREN 24AN
Heldu den larunbatean, urtarrilaren 24an izanen da kontuak egiteko eguna, inauteei akabaila emateko. Arratsaldez mus txapelketa izanen da urtero bezala eta ondotik, kontuak egiteko afaria.