2014. urte bukaeran 1.184 langabetu zeuden Doneztebeko Enplegu Bulegoan izen emanak, azaroan baino baino bat guttiago. Azkeneko hiru urte bukaerei erreparatuta daturik baikorrena da, erraterako, 2013 urte bukaeran baino 213 langabetu guttiago baitira, baina, aldi berean, 2010eko urte bukaeran baino 54 gehiago dira oraindik.
Adina eta sexuari dagokionez, 25 urtez goitiko gizasemeen artean 574 lagun daude langabezian, azaroan baino 8 gehiago. Adin tarte horretako emakumeen artean ere azaroan baino 8 gehiago daude langabezian (508). Beraz, gazteen artean jautsi da langabezia: 25 urtez beheitiko gizasemeen artean 9 lagun guttiago daude langabezian (61) eta azaroan baino 8 emakume guttiago (41).
Zerbitzuen arloak segitzen du langabe gehien izaten, eta abenduan, gainera, zortzi gehiago pilatu ditu (808). Industria arloan, aldiz, 8 langabetu guttiago daude (159). Eraikuntzan, berriz, 7 langabetu gehiago daude, 129. Nekazaritzan ere 5 lagun gehiago daude lanik gabe (31), eta aitzinetik lanik egin ez dutenen artean 13 guttiago daude langabezian (57)
2014AN ZERBAIT HOBETU DA EGOERA BELTZA
2013. urtea 1.397 langabeturekin bukatu ondotik, 2014ko urtarrila berriz ere ilbeltza izan zen eta 98 lagun gehiago izan ziren langabezian, 1.495. Otsailean 1.462ra jautsi zen (-33); martxoan 1.446ra jautsi zen (-16); apirilean jautsiera nabarmenagoa izan zen eta 1.342 zeuden lanik gabe (-104); maiatzean 1.279 (-63); ekainean 1.177ra jautsi zen (-102); uztailean 1.165 (-12); abuztuan 1.168 (+3); irailean 1.170 (+2); urrian kopururik onena, 1.156 langabeturekin (-24); azaroan 1.185 (+29) eta abenduan bat guttiago.