Gazteluko inauteriak ospatuko dituzte urtarrilaren 31n eta otsailaren 1ean. Larunbat arratsaldean abiatuko dira gazteak etxez etxe puxka biltzen eta gauean afaria izanen dute Gazteluko Ostatuan. Igandean, berriz, bazkaria eta afaria izanen dituzte.
Erakusketa Gazteluko Ostatuan
Baina inauterietako ohiko ekitaldiz gain, urtarrila hasieratik berriz ere zabalik dagoen Gazteluko Ostatuan ekimen berezia izanen dute egunotan. Hain zuzen, Hendaiako Bruno Aguerre margolariak inauterien inguruan egindako margolanak zintzilikatuko ditu Ostatuan. Ateak zabalik dituzte urtarrilaren 27tik otsailaren 1era.