Mendian federatu nahi dutenek udaletxean eskuratu dezakete beharrezko informazio guztia. Nafarroako txartela edota Espainiako Mendi eta Eskalada Federaziokoa lortzeko aukera izanen dute erabiltzaileek. Horretaz gain, aurreko urteetan bezalaxe adinaren eta estalduraren arabera ordaindu beharreko kopurua desberdina izango da. Prezio guztiak biltzen dituen taula jarri dute udaletxean eta taulako prezioei deskontua gehitu behar zaiela ere gogorarazi dute, Kirol Mankomunitateak %15eko dirulaguntza eskaintzen baitu. Aurreko urteetan federatuta egon direnek, izena eman eta modalitatea zehaztuta ordainketa egin beharko dute. Aurten estrainekoz federatuko direnek berriz, udaletxean emango dieten fitxa ere bete beharko dute, ordainketa egiteaz gain.