Larunbata suertatzen denez, zerbait berezia antolatu nahi du Udalak San Anton Egunerako, urtarrilaren 17an. Goizean meza izanen da San Antongo baselizan eta meza ondotik hamaiketakoa.
Eguerdian, herrigunean izanen da giroa, herri kirol saioa izanen baita. Arratsaldean, Aresoko antzerki taldeak emanaldia eskainiko du. Beti bezala, herriko musikariekin estalpean ilunabarrean giro polita izanen da. Berendutxoren bat eta mus txapelketa ere egiteko gogoa bada, baina hau idazterakoan ez da zehaztua.
Baserritarrendako eta mendi mutilendako beti egun berezia izan da San Antongoa, baina urteen poderioz indarra galtzen joan zen. Azken urteetan, berriz ere indartzen ari da eta giro polita sortzen da herrian.