Nafarroako Bertsozale Elkarteak antolatuta bertso eskolen negulekua abenduaren 29an eta 30ean eginen dute Malerrekan. Nafarroa osoko bertso eskoletako 70 neska-mutiko espero dituzte egun horieta Aurtitzen eta Zubietan.
Astelehenean 11:30ean ongi etorria eskainiko zaie Aurtizko Abarun aterpetxean. Eguerdian ikasleek elkar ezagutzeko jolas dinamikak izanen dituzte eta 13:30ean bazkaria. Arratsaldean bertsogintza aisialdian landuko dute, ariketa eta jolasen bitartez. Afal ondotik, bertso-saioa izanen dute eta lotarako Aurtizko Abarun eta Zubietako aterpean hartuko dute ostatu.
Astearte goizeko 9etan gosaria eginen dute. 10:00etan berriz ere bertsogintza landuko dute, ariketa eta jolasen bitartez.