Bideetan segurtasun aski ote da? Gidariak aski erne ote dira? Galdera hauek datoz berriz ere abenduaren lehenean 17:50ean, 13 urteko mutiko bat jo eta zauritu baizuen auto batek Amotzen. Istripuaren momentuan bidea zeharkatzeko pasabidean zegoen mutikoa, kolpearengatik zangarrean min hartu zuen eta Baionako ospitalerat eraman zuten. Sara alderat joaten zen 20 urteko gidaria senpertarra da. Jendarmeen ikerketaren arabera ez zen edana istripuaren momentuan. Tokia behar bezala argiztatua dela segurtatu dute segurtasun indarrek. Ondoko egunetan urtea beteko da gisa bereko istripua gertatu zela Helbarrunen. Orduan 12 urteko mutikoa zendu zen.