Zorroilo elkarteako urteko besta izan zen azaroaren 22an. Goizez txetel lehiaketa egin zen eta jende dexente bildu zen. Sailkapenean, mutiletan Iñigo suertatu zen irabazle eta bigarren Ruben; nesketan, Nerea izan zen abilena eta bigarren Olaia. Haurretan, Josu garaile. Ordubietan bazkaria izan zuten eta bertara 35bat lagun hurbildu ziren. Bazkalondoan, bingoaren txanda izan zen eta musika eta giro ederrean pasatu zuten arratsaldea. Horrekin konforme ez eta eguna ongi akitzeko afaria izan zuten. Lerro hauen bidez, zorionak Zorroilo elkarteari besta egun polita jarri zutelakoz herrian.
OPIL JATEA
Abendua hasi eta lehenengo aste bukaeran, urtero bezala, opil jatea plantatu zuen Guraso Elkarteak. Hemen ere jende ugari bilduzen. Ekitaldi hau aperitibo ttiki bat da, ondotik egun potolo gehiego izanen direlako. Baina dena bere tenorean. Hilabete honetan ilusioa bizirik dago.