Erreka eta Mendaur guraso elkarteek Eguberrietan zine emanaldi berezia antolatu dute, Araitz, Ixone eta Unai umetxoei laguntzeko. Bilboko hiru anai-arreba hauek Sanfilippo sindromea dute. Gaitz hau degeneratiboa da, alzheimer infantila, eta bizi itxaropen laburra dute. Euskal Herrian 6 gaixo daude eta hiru familia honetan. Elkartasuna eta laguntza eskatzen da ikerketa abiarazteko, gaitz honi aurre egiteko irtenbide bakarra baita. Araitz, Ixone eta Unairen familiarekin bat eginda, abenduaren 26an bildutako dirua familiari emanen zaio. Beraz, egun horretan norberak jarriko dio prezioa zineko sarrerari, euro bat, bi, bost… ahal duena. Kutxabankeko zenbaki bat eman dute nahi duenak lagun dezan: 20950028809113398726.
Ekimen honetaz gain, aipatu behar da Mendaur institutuan ere bertze keinu polit bat egin behar dutela ikasleek. Abenduaren 19an jostailu bilketa eginen dute bertako Gizarte Zerbitzuko beharrak asetzeko. Egun horretan ikasleek trukean oinarritutako azoka ere burutuko dute. Hezkuntza komunitatetik familia guziei eskerrak eman nahi zaizkie ekimen hauetan parte hartzeagatik; baita elikagi bankurako zinean bildutako kopuruagatik ere (15 kaxa handi lortu baitira).