Urtero bezala, aurten ere Olentzero eguberrietan eskuzabal portatuko da Donezteben eta oraingoan ere ekitaldi ezberdinez osatutako zakua utziko du. Herriko talde guzien ahalegina eta elkarlanak programazio anitza eta zabala gauzatu du. Egunez egun eta antolatzaile bakoitzak Eguberrietarako prestatu duena ondorengo programazioan doa. Ea Olentzerok talde guzi hauei 2015erako ilusioa, diru-laguntzak eta lanean jarritzeko gogoa zakuka ekartzen dien.
Abenduaren 14an: Fundacion Remontek X. Eguberrietako Torneoa: (Urriza-Uterga;San Miguel-Endika).
Abenduaren 19an: Mendi Abesbatza eta Donostiako Udaleko Txistulariek: Eguberrietako kontzertua, 20:00etan elizan; (Errekako dantzariak, Eduardo Almandoz eta Agorreta Musika eskolako ikasleen laguntzaz).
Abenduaren 20an: Burrunba eta Ostatuek: 11.00etan haurrendako jokuak. 16:30ean: Conquistour Errebantxa (Baztan/Bidasoa, Olite, Konkistadore ohiak eta Doneztebeko taldea) eskolako frontoian. Arratsaldean Oharkabe taldea eta luntxa Santa Luzia plazan. Irriak Barra-barra Antzerki taldeak: 18:00etan zinean Cascanueces, Olentzero eta Basajaun haurrentzat eta La cena de Navidad helduentzat.
Abenduaren 24an: Errekak: Saioara mendi irteera. 17:30ean Olentzeroaren etorrera: udala, herriko dantzariak, musikariak eta herritarrek lagunduta.
Abenduaren 26an: Elizak. San Esteban eguneko meza eta Udalak luntxa. Erreka eta Mendaur guraso elkarteek: elkartasuneko zine emanaldiak.
Abenduaren 27an: Doneztebarrak Merkatari eta Zerbitzu Elkarteak: “Kriston zozketa” Santa Luzia plazan, 5,30etan
Abenduaren 28an: Doneztebeko Elizak: Meza eta “Recreo de Elizondo” banda. Atsaldean Pailazoak eskoletako frontoian.
Abenduaren 30ean: Erreka eta Mendaur guraso elkarteek: eskulan tailerra liburutegian.
Abenduaren 31n: Errekak: Goizeko 7,30etan Mendaurrera mendi irteera atsaldean, 6,00etan IX San Silbestre Doneztebarra.
Abenduaren 27, 28, 31 eta urtarrilaren 3 eta 4an: Doneztebe Futbol Taldeak: IV. Eguberrietako Futnol 7 Torneoa.
Urtarrilaren 1ean: 10:30ean “Urte Berri-berri” haurrak karrikaz karrika ibiliko dira.
Urtarrilaren 5ean: “Errege Kabalgata”.