Sarako Olhain ikastolak abenduaren 13an Lur Berri gelan bertsu afari bat antolatu du. Bertsulari gonbidatuak Jexux Mari Irazu, Sustrai Colina eta Agin Laburu dira. Afarirako txartela 20 eurotan da eta usaian bezala, lehenagotik salgai daude herriko etxeko edantegian.
Larunbatean 20:30ean hasiko da afaria eta menuan, arrain eltzekaria, haragia saltsan, gasna-pastiza, kafe-ttotta eta sagarno-arnoak izanen dituzte. Afaria baino lehen, 19:30ean hasita bertsu poteoa izanen da herrian zehar, Saranga taldeak animaturik.