Azaroaren 22a Santa Zezilia eguna da, musikarien eguna, eta hori dela eta, Nafaroako Abesbatzen Federazioak kontzertua antolatu du Sunbillako elizan, Nafarroako Abesbatzak zikloaren baitan. Kontzertua emanen duena Doneztebeko Mendi Abesbatza izanen da eta 20:00etatik aitzinera ariko da kantuan.
Larunbateko kontzertuaz gain, Mendi Abesbatzak baditu urtea akitu aitzinetik hitzordu gehiago finkatuak. Abenduaren 3an, erraterako, Doneztebeko elizan ariko da. 12:00etako mezan kanta batzuk abestuko ditu eta ondotik, kontzertua eskainiko du. Abenduaren 19an, berriz, kontzertu berezia antolatu dute: Donostiako Udal Txistulariak, Mendi Abesbatza, Agorreta Musika Eskolako ikasleak eta Doneztebeko Dantzariak elkarrekin ariko dira Eguberrietako saioa eskaintzeko. Hau ere elizan izanen da, 20:00etan.