Berriki, Arcelor Mittal enpresako Lesakako lantegian eta Legasako AMDS Processing lantegian hauteskunde sindikalak burutu dira. Lesakan, ELA sindikatua nagusitu da, orain arte gehiengoa zuen LABen gainetik eta Legasan LAB izan da garaile doi-doi.
Lesakako Arcelor Mittalen 13 ordezkari aukeratu behar zituzten langileen batzorderako, duela lau urte baino 4 guttiago. Horietatik 5 ELAkoak izanen dira (2010ean ere 5 zituen), 4 LABekoak (2010ean 6 zituen), 3 UGTkoak (2010ean baino 1 guttiago) eta CCOOko bat, 2010ean bezalaxe. Cuadros ez da oraingoan hauteskundetara aurkeztu.
Legasako AMDS Processing lantegian, berriz, 9 ordezkari hautatu behar ziren, duela lau urte bezalaxe, eta botu kopuruan LAB nagusitu den arren, orain arte zuen gehiago osoa galdu du. Izan ere, 51 boturekin lau ordezkari eskuratu ditu LABek eta 44 boturekin bertze horrenbertze delegatu izanen ditu ELAk. UGTk 14 botu eskuratu ditu eta ordezkari bakarra izanen du Enpresa Batzordean.