Azaroaren 23an, igandearekin, Santa Katalina ospatuko da Saran. Meza santa Katalina kaperan emana izanen da betiko tenorean 10:30ean. Ondotik, 11:30ean, auzoko aperitif eginen da eta 12:30ean bazkaria Baratxartea jatetxean.
Bazkarirako tokiak erreserbatu behar dira 05.59.54.20.48 zenbakira deituz. Menua 29 eurotan da: Garbantzoak zerri muturki eta lukainkekin, Santa Katalinako tripotxak “bixi-bixi” saldarekin, ahate errea lapurdiko patatekin, eta desertan sagar hostore epela banilla izozkiarekin. Arratsaldeko 5etan Erlauntza eta Ortzaiztarrak abesbatzek kantaldi bat emanen dute santa Katalina kaperan, sartzea urririk.