Malerrekako Euskara Batzordeak antolatzen duen Malerreka Kantuz saioa Saldiasera ailegatuko da azaroaren 8an. Hain zuzen, larunbat eguerdian gelditu dira musikari eta kantariak plazan.
Malerreka Kantuz hilabeteko lehenengo larunbatean egin ohi da, baina azarokoa Domisaindu Eguna suertatu denez, bigarrenera pasatu dute. Saioak Malerrekako herri guztietan egiten dituzte, hilero herri ezberdinetan. Musikaren laguntzaz kantuan aritu eta gero herriak hamaiketako xume bat eskaintzen die bertaratuei.