Bertizko Partzuergo Turistikoak antolatuta, Baztan, Malerreka eta Bortzirietako hameka jatetxek parte hartuko dute aurten Baztan-Bidasoko Ehizari buruzko 22. jardunaldi gastronomikoetan. Gure inguruan ehizatutako jakiak beteko dituzte jatetxetako eltzeak. Dagoeneko egutegian finkatua dagoen ekimena urriaren 27an hasi zen eta abenduaren 1era arte iraunen du.
Hauek dira ehizari lotutako menu bereziak eskainiko dituzten jatetxeak: Almandozko Beola, Arantzako Aterpe eta Burlada, Arizkungo Ordoki, Berako Zalain, Donamariako Benta, Elbeteko posada, Etxalarko Benta hotela, Iruritako Olari, Oizko Posada eta Oronoz-Mugairiko Urgain.
Urteroko moduan informazio eta orriak eskualdeko margolari baten ilustrazio berezi batekin apaindu dituzte. Oraingoan, Iciar Mikelperizenaren La sorpresa del doblete margolana agertzen da.
Urriaren 29an, asteazken eguerdian egitekoa zen aurkezpena Oizko posadan. Emaldi Ereño, Bertizko Partzuergo Turistikoko kudeatzailea; Ruben Garate, Jatetxeen Elkarteko lehendakaria eta Iciar Mikelperizena margolaria izan ziren ekitaldian.