Biderkatu Euskara solaslagunen magiarekin da aurtengo kanpainaren leloa eta dagoeneko Malerrekan bazter guzietara zabaltzen ari da. Euskaraz solasteko ohitura dutenak eta mintzapraktika egin nahi duten pertsonak biltzen dira Solaslaguna programan.
Solaslagunean parte hartzeko izena eman behar da Doneztebeko IKA euskaltegian (948 451555) edo Mankomunitateko Euskara Zerbitzuan (948 451746). Malerrekako guraso elkarteen bidez ekimen hau zabalduko da interesa duten gurasoak bertako taldeetan txertatzeko edo gurasolaguna taldeak ere sortzeko. Aurtengo kanpainaren helburua da iaz Malerrekan martxan jarri ziren hiru taldeak mantentzea eta, ahal bada, gurasolaguna talderen bat osatzea.