Urriaren 31an Aurtizko Abarun Aterpetxean urteurreneko kubatar besta ospatuko dute. Duela urte bat ireki zuten aterpea hiru gaztek eta geroztik gisa guzietako bestak eta ekitaldiak antolatu dituzte. Aterpetxe eta ostatu zerbitzuaz aparte, karaokea, Santo Tomas eguna, haurrekin kanpaldiak... Urriko azkeneko egunerako ere gisa guzietako ekitaldiak antolatu dituzte, egitarau zabalarekin.
Ortziralean, 17:00etatik 18:00 haurrentzako disko-festa izanen da.
18:00etatik 20:00etara ate irekiak aterpea ezagutzeko (beraien eskuekin apaindutako gelak eta aterpetxea ikusteko aukera).
21:00etan Kubatar afaria eskainiko dute. 22:30etik aurrera La Jodedera taldearen kontzertua. Gau osoan sorpresak izanen direla gaineratu dute, anima zaitezte eta ospa dezagun denak elkarrekin Abarun aterpetxearen urteurrena.