Gan den uztailean Zugarramurdiko Akelarrenean antolaturiko udalekuaren gainean balorazio baikorra egin du Guraso Elkarteak. Uztailean zehar, astelehenetik ortziralera bitartean, eta goizeko 10etatik eguardiko 1ak arte, 30 ume inguruk parte hartu zuten Itziar, Izaskun eta Maialen begiraleek antolaturiko ekitaldi ezberdinetan.
Aurtengoa lehen aldiz antolaturiko udalekua izan da eta esperientziaren beharra eta balioa goraipatu nahi izan dute gurasoek. Izan ere, gurasoen asmoetariko bat, umeek udan ongi pasatzeaz aparte, urtean zehar Zugarramurdi eta Urdazubiko eskoletatik kanpo ikasten duten umeak eta herrian bertan ikasten dutenak elkartzea izan da. Doike, Zugarramurdiko nahiz Urdazubiko Herriko Etxeen laguntza ere eskertu nahi izan dute, eta aurrerantzean ere elkarlanean jarraitzeko asmoa adierazi dute prentsa ohar bitartez.