ETBko Hitzetik hortzera programaren urriko lehenbiziko saioan, 30. Joaldunen Eguneko irudiak ikusi ahal izan ziren. Herri bazkarian egin zuten saiotxoaz gain, goizean goizetik ere bertsolariak joaldun eta trikitilariekin batera ibili ziren Ameztia auzoko baserrietan. Kanpotik etorritako bertsolariek herrikoen laguntza izan zuten lan horretan. Honela, Jexux Mari Irazurekin Joxe Mari Fagoaga aritu zen eta Miren Amurizarekin Egoitz Gorosterrazu. Bertan bizitzen den giroaz eta bertso politak berriro telebistatik ikusteko aukera izan genuen.
Bertze aldetik, Iturenen Bertso eskola osatzeko asmoa dute. Oraingoz, bileratan daude eta hurrengo alean jarriko ditugu honen inguruko berriak.