Udazkenari ongi etorria emateko asmotan, besta giroan hasi dira Beintza-Labaienen. Joan den larunbatean, hilak 11, hain zuzen ere, herritarrak gozatzeko aukera izan zuten Ittur-Ondo elkarteak antolatutako hainbat ekitaldietan.
Batetik, eta nola ez, aizkora erakustaldia eskeini zuten herriko bi bikotek: Etxeberria anaiak Beintzatarrak (Jesus eta Miguel Anjel), garaile suertatu zirenak, eta Jazinto eta Pello Labaindarrak. Bestetik, afari ederra izan zen elkartean; piperrada, txuleta, salda eta tarta. Betiko euskal kantu zaharrak kantatu ziren afal ondoren eta giro politaz gozatzeko aukera izan zen.