Herriko kontseilu osoa Udalbiltzaren barne sartu da, orain arte ordezkari bakarra zuen Sarak eta hemendik goiti 23 izanen ditu. Udalbiltza 1999an sortu da eta Euskal Herriko herriko etxe eta herri kontseiluen biltzarra da. Euskal herriko lehen instituzio nazionala da, gaur egun 1425 udalbiltzarkide eta 177 auzapez sartzen dira proiektu horretan. Irailaren 15 ean, besta astelehenez Udalbiltzak eta Sarako Herriko kontseiluak ekitaldi instituzionala antolatu zuten plazan eta Euskal Herri osoko auzapez eta hautetsien ordezkaritza zabala bildu zen. Ekitaldian Igor Aierbek Ataungo auzapezak, Battit Laborde Sarako auzapezak eta Mertxe Aizpuruak Usurbilgo auzapezak hitza hartu zuten.