Irailaren 17an, seguraski lurrikara bat nabaritu izanen zenuten aunitzek gure inguruan. IGN Espainiako Geografia Institutuaren arabera, epizentroa Urrozko dermioan izan zen, nahiz eta koordenatuak begiratuz gero, puntu hori Oizko lurretan egon. Ulertzeko moduan, Leurtzako urtegitik Oizko mendien muga aldera. Euskal Herrian lurrikarak pilatzen diren hainbat lerro dago, failak alegia, eta haietako bat da Lizarra-Elizondo deitzen dena; kontua da, bi herri horien arteko lerroan dagoela azken lurrikara honen epizentroa. 3,1eko indarra izan zuen, eta 3 kilometroko sakoneran, ez da larritzeko modukoa baina bai indar dezentekoa. Azken boladan Nafarroako lerro honek aktibitate haundi xamarra omen du. Baina ez ahal da gehiegi zakartuko.