Bertizko Jaurerria Parke Naturalak ate irekiko jardunaldia antolatu du datorren iganderako, urriaren 5erako. Babesturako gune horrekin gozatu ahalko da, jolas- eta kirol-jarduera ugaritan parte hartu ahalko da, bai eta inguruko nekazaritzako elikagaien eta eskulangintzako eskaintza ezagutu ere.
Jardunaldia 10:30ean hasi eta 19:30ean bukatuko da, eta bertan Baztan-Bidasoaldeko talde eta erakundeek laguntzen duute. Programaren barnean sartzen dira: haurrentzako birziklatze-saioak, atari zabaleko pintura, yoga, argazkilaritza, dantzariak, egurrezko eskulturen erakusketa, informazio-mahaiak, eta Bertizko Jaurerriko Lorategi Historiko-Artistikoan (10:30etik 14:00etara eta 16:00etatik 19:30era) eta basoan egindako doako bisitak.
Igandeko egitaraua
10:30ean Ate Irekien Jardunaldiko hasiera 10:30ean yoga saio irekia Noa Lopezekin.
11:00etan Baztango margolari taldearekin pintura kanpoan.
11:00etan bisita gidatua basora, Iturburuako ibilbideam Mírame taldearekin.
11:00etan bisita gidatua lorategira eta jauregira.
11:30ean birziklapen tailerra Birbira taldearekin. 12:00etan bisita gidatua lorategira eta jauregira.
13:00etan Doneztebeko dantzari taldearen saioa.
17:00etatik 18:00etara bisita gidatua lorategira eta jauregira.
18:30ean Doneztebeko Mendi Abesbatzaren emanaldia.
Egun osoan, eskulangileen, Itxusi argazkilari elkartearen eta Lesagibel eskultorearen lanen erakusketa eta erakunde eta aktibitate-enpresa ezberdinen informazioa mahaiak izanen dira.
Bertizko Parke Naturalak 33.894 bisita jaso ditu aurtengo lehen seihilekoan, 2013an aldi berean izandako bisitak baino %10 gehiago. Lorategi historiko-artistikoan, aurtengo urtarriletik ekaina bitarte 18.123 pertsona sartu dira, naturako interpretazio-zentroan, 9.817, eta basoan, 14.821 pertsona.