Larretxeatarrek irudikatu dute belaunaldi aldaketa Nafarroako lehen mailako aizkolari txapelketa nagusiaren kanporaketan. Oihan semea urriaren 5ean Etxarri Aranazen jokatuko den finalean izanen da, Nazabal, Rekondo, Saralegi eta Erasunekin batera. Donato aita finaletik kanpo izanen da.
Irailaren 21ean jokatu zen kanporaketa Uharten. Aizkolari bakoitzak bi kana-erdiko, bi 60 ontzako eta oinbiko bat moztu behar izan zituen, finalean izanen duten lanaren erdia. Florren Nazabalek garbi erakutsi zuen finalerako faborito izanen dela, 14 minutu eta 42 segundotan bukatu baitzuen lana. Jon Rekondo bigarren izan zen (15.33), Ruben Saralegi hirugarren (15.55), Ander Erasun laugarren (16.31) eta Oihan Larretxea bosgarren (17.14). Finaletik kanpo gelditu ziren Kañamares III. (seigarren, 17.29) eta Donato Larretxea (zazpigarren, 17.31).
Halere, maila galduko dutenak Manolo Kañamares eta Andonio Senosiain izanen dira, uko egin baitiote parte hartzeari, Juanjo Looez ere ez zen aritu, baina eri dagoelako.