Urriaren 7an ezagutuko da iazko abenduan autoz haur bat jo eta hil zuen azkaindarraren kontrako auziaren epaia. Bete beharko ez diren 4 hilabeteko presondegi zigorra eta urte batez gida baimena kentzea galdetu zuen fiskalak Baionako auzitegian egin zen epaiketan. Istripua Helbarrun auzoan gertatu zen, Herrixka aldean, mutiko batek bidea zeharkatzen zuelarik oinezkoen pasabidetik autobusa hartzeko. Azkainetik zetorren gidariak ez zuen mutila ikusi goizeko 7h30 baitziren eta argi guti baita gune hortan. Nicolas Lartigue 12 urteko senpertarra Baionako ospitalerat eraman zuten helikopteroz baina bertan hil zen oren batzuen buruan.