Abuztuaren 25ean etorri zen zaborra biltzera kamioia herrira, baina ezin izan zituen eskola ondoan zeuden hondakinak bildu, eskolako teilatua berritzeko erabili behar zen materiala bertan pilatua zegoelako. Egun berean erretiratu zuten material hori eta bizilagunek Mankomunitatera deitu zuten, argazkian ageri denez zabor asko zegoelako eta usain txarra botatzen zuelako. Horregatik, lehenbailehen biltzera etortzea eskatu zuten, kontuan hartuz Barranka ostatua ere metro gutxi batzuetara dagoela eta inguru horretan biltzen direla herritarrak eta uda partean kanpotik etorritako bisitari kopuru handia ere. Baina ezezko erantzuna jaso zuten eta hurrengo asteko astelehenera arte, irailaren 1a arte, bildu gabe gelditu zen zaborra. Horregatik kexu ziren herritarrak.
Abuztuaren 25ean ezin izan zuten bildu eta astebete egon zen bildu gabe
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun