Nafarroako Bertsozale Elkarteak bertso eskoletan izen emateko aukera zabaldu du. Gutxienez lau ikasle beharko dira taldea osatzeko eta hiruhileko bakoitzeko 20 euro kobratuko dira. Eguna eta ordua izena ematen dutenen artean adostuko dira.
Haurrei dagokienez, izen emateko nafarroa@bertsozale.com edo estiarozena@hotmail.com helbide elektronikoetara idatzi edo 618 963011 eta 948 143747 telefonoetara dei dezakete.
Helduak eta gaztetxoak bertso eskolan izena emateko interesatuak badaude Bertsozale Elkartera deitu edo idaz dezakete (948143747 edo nafarroa@bertsozale.com).
Bertsolaritzan ikasi eta trebatzeaz gain, lagunartean ongi pasatzeko aukera eskainiko du bertso eskolak. Eskualdean, hainbat herritan badaude dagoeneko taldeak eta gehiagotan ere sor daitezke.