Bera, Lesaka, Doneztebe eta Leitzako IKA euskaltegietan izen emateko epea zabalik dago irailaren 30era biarte. Astean 4 edo 6 orduko ikastaroak eskainiko dituzte ekaina arte, goizez, arratsaldez edo gauez. Maila guztiak eta EGA ateratzeko ikastaroak izanen dira eta On line ikasteko aukera ere eskainiko dute.
Euskaltegietatik jakinarazi dutenez, deskontu bereziak izanen dira langabeentzat, ikasleentzat eta diru sarrera urriko familientzat.
Informazio gehiago Lesakako Matxinbeltzenean (948 637796 telefonoa edo bortziriak@ikaeuskaltegiak.eu), Doneztebeko euskaltegian (948 451555 telefonoa edo malerreka@ikaeuskaltegiak.eu) eta Leitzako euskaltegian (948 610776 telefonoa).