Urrian hasiko dira Arkupeak Elkarteak ikasturte honetarako prestatu dituen ikastaroak. Guztira hamabi izanen dira eta horietako batzuk dohainik izanen dira, eta bertzeak diruz lagunduak. Elkarteak Nafarroako Gobernuarekin eta Caixarekin hitzarmena sinatua du eta hala, informatika, aktibatu eta esnatu irribar batekin ikastaroak dohainik izanen dira. Gainerakoak Caixak emandako laguntzarekin eta Arkupeak eta bazkideak bideratutakoarekin ordainduko dira. Baina orain arten 30 euro balio zuten ikastaroak 20 euro balioko dute orain. Frantsesa, altzarien zaharberritzea, lorazaintza, kimatzea, memoria tailerra, margogintza eta marrazkilaritza... Horiek dira, bertzeak bertze, ikasturte honetako ikastaroak.
Irailaren 19an akituko da ikastaroetan apuntatzeko epea eta interesatuek 948 450878 telefonora deitu beharko dute 09:15etik 12:45era edo bertzela arkupeak@arkupe ak.com-era idatzi.
ZUZENDARITZAREN BILERA
Datu baikorrak utzi zituen joan den urteak Arkupeak Elkartearentzat, 1.291,08 euroko superabitarekin itxi baitzuen urtea. Hala jakinarazi zuen Pedro Bañares elkarteko lehendakariak uztailaren 30ean zuzendaritza batzordearekin egindako bileran. 490.000 euroko aurrekontua dute aurten, eta gaur egun 55.122 euro ditu elkarteak. Bazkideak, berriz, 2.649 dira.
Bertzalde, Europara egitekoa den bidaian 96 bazkidek eman dute izena eta Argentinara joateko 35ek.
ARALARRERA ATERALDIA
226 bazkide hurbildu ziren uztailaren 24an Aralarko Santutegira atatxi-amatxien eguna ospatzeko. Berez, eguna 26an bazen ere, bi egun aurreratu behar izan zuten larunbata izanda Gorraizko jatetxea betea zegoelako.
EZKURRAN BARNA ITZULIA
Ezkurrako frontoitik abiatuta, bost orduko ibilaldia egin zuten 22 bazkidek uztailaren 31n. Basakaitz, Zuparrobi eta Perraleku bezalako tokitatik pasatu ziren eta Putzu Haundi eta herriko boluntarioek Santa Kruzeko ermitara joateko moldatu duten bide berria ezagutzeko aukera ere izan zuten. Barranka ostatuan bazkaldu zuten, eta hilabetero mendi ateraldiren bat egiten segitzeko asmoarekin gelditu ziren. Beharbada, hurrengoa Txindokira eginen dute.