Tarteka euriari aurre egin behar izan zitzaion arren, umore onez eta gogotsu pasatu zituzten herritarrek abuztuko lehenengo asteburuan bestak.
Ostiralarekin botatako altxaferoarekin hasi ziren eta lau egunez haur, gazte nahiz helduek izan zuten bestarako tartea. Egitarauaren barne puzgarriak, herri kirolak, dantzaldiak, plater tiroketa eta txapelketak, tortilla eta postre lehiaketa... izan ziren. Aizkora saioek ere ez zuten hutsik egin. Larunbatean, esaterako, Larretxea aita-semeak nagusitu ziren Olasagasti eta Erasunen kontra. Eta astelehenarekin herritarrak aritu ziren aizkoran, Etxeberria anaiak, Jon eta Jazinto, eta Joxe Mari eta Pello. Orain, berriz, urriruko hitzordua noiz etorri esperoan daude herritarrak.