Ederki ibili gara herriko bestetan

Bezperan hau­rren kros herrikoia egin zen eta gazteek izan zuten suziria botatzeko ardura. Ondoren tortilla lehiaketa eta dastaketa eta Bixen­terekin dantzaldia izan ziren. Uztailaren 25ean, goizez dantzariak eta gosari txikia eta arratsaldean herri proba izan zen. Astoa batetik, hiru gazte bes­tetik, 150 kiloko zamari tiraka aritu ziren eta astoa  nagusitu zen. Arratsaldez eta gauez Age­rralderekin dantzaldia izan zen. Larunbatean, haurraren eguna izan zen puzgarriak, mus txapelketa eta serwayak eta  herri berendua egin ziren. Gauez Aierrik taldearekin musika izan zen. Igandean, goizez toka eta arra­tsaldez zikiro jatea egin ziren eta segidan Salaberrik giro bikaina jarri zuen. Eskerrak eman behar zaizkie opariak eman dituzten komer­tzio, ostatu eta enpresei eta baita borondatez lanean aritu diren guztiei ere.