Nahiz eta bestak ofizialki abuztuaren 10ean hasi, bezpera ere ekitaldiz beteta joan zen. Goizean, hirugarren urtez, Arretxekobordako igoera egin zen eta 22 lagunek parte hartu zuten. Horien artean bi beterano aipatuko ditugu, Juan Tomas Latasa eta Esteban Maritxalar, eta hiru haur, Koldo Herrera herritarra, Haimar eta Adur. Aurten ez zuten herritarrek bakarrik parte hartu, eta Jabier Sein iturendarrak eraman zuen lehen postua. Bigarrena Iker Lizarazu izan zen eta hirugarrena Xabier Irazoki.
Arratsaldean asto probaren txanda izan zen. Hiru astok laguntzaileekin parte hartu zuten. Xabier Petrirena eta Arkaitz Vicente Darko astoarekin atera ziren eta 48 plaza egin zituzten. Bisente astoa Lucio Irazoki eta Luis Ibarra osaba-ilobekin atera zen eta 42 plaza egin zituzten. Isidro astoa Unai eta Igor Bertiz lehengusuekin atera zen eta hauek maila ederra eman zuten, 59 plaza eginez.
Abuztuaren 10ean, erraldoi eta buruhaundien konpartsak bota zuen altxaferoa. Lehena Ruben Irigoienek piztu zuen. Arratsaldean XIII. Ramon Latasa Sariketa egin zen frontoian eta jendetza bildu zen.
Santiburtzio Eguna ederra izan zen guztientzat. Gaiteroekin diana izan zen goiza alai hasteko. Meza Nagusiaren ondotik, herriko dantzarien eta erraldoien emanaldia etorri zen eta akitutakoan luntxa. Horrez gain, su artifizialak ere izan ziren eta jendetza elkartu zen zubi berrian ikusteko.
Abuztuaren 12an, haurraren egunari trikitilariek eman zioten hasiera. Goiz eta arratsaldez haurrak hainbat jokotan gozatzeko aukera izan zuten, baita arratsaldean karaokean kantatzeko ere. Ilunabarrean tortilla eta postre lehiaketa izan zen eta bortz tortilla eta bederatzi postre aurkeztu ziren. Tortillen artean irabazlea Agurtzane Zubieta izan zen, bigarren Niebes Biurrarena eta Amaia Apezetxea eta hirugarren MªJesus Iribarren. Postretan 10 urteko Iker Urrozek irabazi zuen, bigarren Jose Ruiz sailkatu zen eta hirugarren Mertxe Gago.
Abuztuaren 13an gazteen eguna izan zen. Goizean herri krosa egin zen eta 62 partehartzaile izan genituen maila desberdinetan. Helduetan irabazlea Jesus Rey izan zen, bigarrena Aitor Apeztegia eta hirugarren Eneko Herrera. Gazteek Ulibeltzak Elkartean egin zuten bazkaria eta ondotik, Elutxa txarangarekin ura eskatuz ibili ziren. Arratsaldean, aitzur eta zartagin tiraketa eta toka egin ziren. Aitzur tiraketan 18 aritu ziren eta irabazlea Aritz Agesta izan zen, bigarrena Unai Bertiz eta hirugarrena Mikel Bertiz. Zartagin tiraketan, berriz, 16 aritu ziren eta Edurne Urroz izan zen nagusi, bigarrena Iker Urroz eta hirugarrenak Jon MIkel Gaztelumendi eta Josune Madariaga. 15 urtetik goitikoetan, Angel Mariezkurrenak irabazi zuen, bigarren Ander Oskoz gelditu zen eta hirugarren Aritz Arriola.
Azken eguneko mus txapelketan 24 bikotek parte hartu zuten. Irabazleak Rakel Urtxegi eta Maxux Iriarte izan ziren, bigarrenak Jon Apezetxea eta Jose Martin Agirre, hirugarrenak Urko eta Julen Ibarra eta laugarrenak Patxiku Apeztegia eta Miguel Manterola. Arratsaldean, berriz, Olegin plater tiroketa egin zen. 18 lagunek parte hartu zuten eta Pako Alzugarai nagusitu zen, bigarren Aitor Apeztegia gelditu zen, hirugarren Iñaki Mikelarena eta laugarren Jabier Ibarra. Bestei akabila emateko herri afaria egin zen frontoian.