Euskal Herriko III. Mailako Aizkora Txapelketa kanporaketa jokatu zen igandean Gorritin, eta bederatzi aizkolari aritu ziren finalerako txartelaren bila: Iñaki Kintana (Zerio, Araba), Eloy Kortxero (Araia, Araba), Done Intxausti (Amorebieta-Etxano, Bizkaia), Xabier Gartzia (Dima, Bizkaia), Aitor Urteaga (Idiazabal, Gipuzkoa), Asier Pellejero (Areso), Eneko Saralegi (Leitza), Mikel Indakotxea (Zubieta) eta Joxean Etxeberria (Ziga).
Aizkolari bakoitzak lau kanaerdiko moztu behar izan zituen eta lan guztiak egiten bizkorrena Pellejero izan zen. 10 minutu eta 9 segundotan egin zituen lanak. Bigarrena Saralegi gelditu zen (10:59), hirugarren Urteaga (11:03). Hiru hauek lortu dute finalerako txartela. Laugarren Kortxero (11:20) sailkatu zen, bosgarren Etxeberria II.a (11.54), seigarren Kintana (12:27), hirugarren Indakotxea (12:28), zortzigarren Gartzia (13:22) eta bederatzigarren Intxausti (16:19).
Bigarren kanporaketa irailaren 28an jokatuko da Aizarnazabalen (Gipuzkoa) eta hemen zortzi aizkolari ariko dira lanean eta tartean Mieltxo Mindegia zubietarra. Berekin hauek parte hartuko dute: Aritz Irazabal (Bizkaia), Beñat Lekue (Bizkaia), Xabier Dorronsoro (Gipuzkoa), Jokin Alkizalete (Gipuzkoa), Goizeder Belza (Nafarroa), Iban Resano (Nafarroa) eta Iker Vicente (Nafarroa). Hemen ere lehen hiru sailkatuek finalerako txartela lortuko dute.