Ezkurrako besten barne, igandean jokatu zen Nafarroako III. Mailako Aizkora Txapelketaren finala. Bortz aizkolari aritu ziren lehian eta 45 ontzako bi enbor eta bertze bi kanaerdiko ebaki behar izan zituzten. Lanak egiten bizkorrena Beintza-Labaiengo Miguel Angel Etxeberria izan zen. Bigarren sailkatua Zubietako Mikel Indakotxea izan zen, hirugarren Zigako Joxean Etxeberria gelditu zen, Arostegiko Oier Kañamares laugarren sailkatu zen eta Beintza-Labaiengo Pello Telletxea bosgarren.
Miguel Angel Etxeberria eta Mikel Indakotxea lehen bi sailkatuak heldu den urtean bigarren mailan ariko dira.