Aintzira, karrika nagusia eta Amotzeko besten ondotik, orain buruila arte egon beharko dute bestazaleek auzo bateko bestak ospatzeko Senperen. Ibarrungo Mikeliak etorri bitartean ainitzek oroitzapen ederrak dituzte gogoan aurten ere gaitzeko giro ederra sumatu baita Jondoni Petri eta Madalena ohoratzen dituzten bestetan. Senpereko rugbi taldeak ekainean irabazi zuen Frantziako txapelketa denen gogoan izan zen eta kirolariek atsegin haundiarekin erakutsi zuten garaipenaren ikurra. Aurten Senpereko bestak aitzineko urteetan baino luzeagoak izan dira asteartean saltzaileek merkatu ttiki bat eta dastaketak eskaintzen zituzten hiru ostatu ttiki muntatu zituztelako elizako plazan.
Argazkietan ageri denez, izan zen non eta nola ospatu eta bakoitzak bere neurriko besta egin ahal izan zuen han eta hemen.