Ez du atzenduko 2014ko uztaila Maika Ariztegik. Uztailaren 9an Nafarroako ingude altxatze txapelketa irabazi zuen Iruñean, marka berria eginez gainera (93 altxaldi). Hilaren 16an, Markinan egin zen lehen aldiz Euskadiko ingude altxatze txapelketa eta hori ere irabazi zuen, 91 altxaldirekin (10 kiloko ingudea zuten, Nafarroakoan baino kilo bat gehiago). Mertxe ahizpa bigarren izan zen Nafarroakoan eta hirugarren Euskadikoan. Ander Erasunek, berriz, Nafarroako binakako aizkora txapelketa irabazi zuen, Jon Rekondo leitzarrarekin. Urrezko Aizkorako txapeldunen ligan ere bikain ari da aurtiztarra.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun