Buruz buruko Kutxa erremonte txapelketan sartzeko bigarren partida jokatuko da uztailaren 24an Galarretan. Endika saldiastarra ariko da Segurolaren kontra. Endika da faboritoa, baina Segurolak Juanenea kanporatu zuen aurreko partidan.
Endikak esperientzia handiagoa du eta joan den urtean buruz buruko txapelketa jokatu ondotik, lekuz aldatu eta aurrelari izatetik atzelari izatera pasatu zen. Horrek abantaila ematen dio buruz burukoan. Errestoan eta tantoa akitzerakoan dituen dohaiak mantentzen ditu eta horretaz gain, sakean eta gibeleko koadroetatik piloteoan ere hobetu du.
Ortzeguneko jaialdia Galarretan
Ortzegun arratsaldeko 16:00etan hasiko den jaialdian bertze hiru partida ere jokatuko dituzte Galarretan. Partida nagusian, Urriza eta San Miguel izanen dira aurrez aurre.
1. Matxin VI-Zubiri, Ezkurra II-Aizpuru III.aren kontra, 35 tantura.
2. Urriza-Barrenetxea IV, Etxeberria IV-San Miguelen kontra, 40 tantura.
3. Endika, Segurolaren kontra, 30 tantura
4. Etxabe II-Labaka, Otaegi-Olazarren kontra, 35 tantura.