Gizonezkoen Euskadiko sega txapelketako kanporaketa jokatuko da uztailaren 31n Aian (Gipuzkoa). Parte hartuko duten zortzi segalariak bi multzotan banatu eta bi kanporaketa eginen dira, egun eta toki berean. Kanporaketa bakoitzeko lehen bi sailkatuek abuztuaren 10ean Leitzan jokatuko den finalerako txartela eskuratuko dute.
Aiako Andatza auzoko Aristerrazuko belardian jokatuko dira bi kanporaketak. Segalariak, 30 minutuz ariko dira ahalik eta belar-kilo gehien ebakitzeko helburuarekin, baina txukuntasuna ere kontuan hartuko da.
Ortzegun goizeko 11:30ean hasiko den lehen kanporaketan lau gipuzkoar ariko dira: Igor Esnaola, Mikel Garaialde, Iban Pardo eta Iñigo Mercader.
Ortzegunean 12:30ean ariko da Jon Kanflanka leitzarra, Juan Joxe Lizaso, Suharri Irazustabarrena eta Julen Gabirondo gipuzkoarrekin batera.