Uztailaren 12tik 14ra Sarako plazan eta polikiroldegian 300 bat erakusketarik Kukuxu besta edo selauru huste handi bat eginen dute, bigarren urtez. Merkatu horretan bakarrik profesionalek saltzen ahalko dituzte puskak eta 10.000 bisitari espero dituzte.
Sartzea doan izanen da eta larunbatetik astelehenera, 09:00etatik 19:00etara zabalik izanen da. Aitzinako salgaiak prezio egokian topatuko dituzte bisitariek Saran, kalitate bereko produktu berria baino merkeago. Aldi berean, altzari horiei bertze erabilpen bat ematen zaie.
Sarako Feriak, Syndicat National du Commerce de l’Antiruité de l’Occasion et des Galeries d’Art erakundeak ematen duen “France Europe Antiquités Qualité” labela eskuratua du, zaharkin eta aitzinako altzarien salerosketako arauei zor dion errespetuarengatik. Kopia eta altzari faltsuen salmenta debekatua duten feriei ematen zaie label hau.