Nafarroako adintuen zahartze aktiboa eta osasungarria bultzatzeko helburuarekin eratu den Gente 3.0 programa sustatzeko elkarlan hitzarmena sinatu zuten Nafarroako Gobernuko Gizarte Politiken departamentuak eta La Caixako Gizarte-Ekintzak ekainaren 9an. Doneztebeko Arkupeak elkartearen egoitzan eman zuten sinadura Iñigo Alli, Nafarroako Gobernuko Gizarte Politiken departamentuko kontseilariak eta Ana Diez Fontana, La Caixako Nafarroako zuzendariak. Arkupeak elkarteak ere hitzarmenarekin bat egin du, Pedro Bañares presidentearen sinaduraren bidez.
Eskualdean 2.600 bazkide dituen Arkupeak elkarteaz gain, Iruña, Lizarra, Tutera, Barañain eta Atarrabiako adinekoen elkarteek ere Gente 3.0 programarekin bat egin dute. Joan den urtean 76 jarduera egin ziren programa honen baitan, 1.127 pertsonen partehartzearekin.
Zehazki, Gente 3.0 programaren bidez, Informazio eta Komunikazio Teknologietan Formakuntza sustatzen dute, baita gizarte partizipazioa eta Boluntariotza ere. Modu berean, Osasuna eta Ongizatea sustatzeko tailerrak ere egiten dituzte.
Arkupeak elkarteak hitzarmen honi buruz eta irailetik aurrera ekarriko dituen jarduera, kurtso eta solasaldien gaineko informazioa eskainiko du.
BIDAIA GEHIAGO
Ekainaren 19an Zaragoza bisitatzeko bidaia egin zuten 120 bazkidek. Castejonen gelditu ondotik, Aragoiko hiriburua autobus panoramikoan ikusi zuten. Besteak beste, Expoko rezintoa, La Seo, Aljaferiako jauregia… Bazkalondoan ere monumentu gehiago ikusteko edo pasiatzeko aukera izan zuten bazkideek.
Aipatzekoa da Europan barna irailean eginen duten bidaiarako 95 lagunek eman dutela dagoeneko izena eta beste 8k Puente Viesgora joateko.