Euskararekin egin dezagun bidea

Trikidantz taldeak Euskaraz bizi eta ikasi diskan parte hartu du, Euskaraz egin dezagun bidea abestiarekin. Eneko Fernandez lesakarraren laguntza eduki du letra egiterakoan. Euskaraz bizi eta ikasi nahi dut plataformak eraman du au­re­­­ra egitasmo hau. Diska honekin Nafarroan, eremu ez euskaldunean euskaraz ikasten ari diren ikasleen egoera zabaldu nahi da eta laguntza ere luzatu nahi zaie. Kilometroak egin behar izaten dituzte egunero, beste herrietara joanaz, beraien herrietan ez dutelako D ereduan ikasteko aukerarik. Trikidantzez gain, hainbat taldek hartu dute parte diskan: Lehiotikan, Bolbora, Non Nahi, Marianitoz blai... eta kolaborazioak ere badira: El Drogas , Komako abeslariak... parte hartu dute . Diska 5 eurotan dago salgai eta Euskal Herriko Txoko ugaritan egonen da erosteko aukera, baita Trikidantzen kontzertuetan ere. Animatu, zure laguntzarekin euskaraz bizi eta ikasten lagunduko baitiezu!