Euskal Herriko xoko eta bazter guztietan barrena gure herrietako neska eta mutilak. Haur, gazte eta helduak gustura ibili dira bestan.
Gure esku dago ekimenarekin bat egin zutenak aunitz izan ziren, batzuk artisau eta azokan kilometroa erosita, bertze batzuk bertze tokiren batean erositakoak... Horiez gain, Iturengo joaldunek ere ez zioten hutsik egin hitzorduari. Beraien joarien soinuak zabaldu zituzten 108. kilometroan, Itza inguruan.
Joare soinuak ez ziren Itzan bakarrik entzun, urtero joan ohi dira Beasaingo herriko bestetara. Bestetako bigarren asteburuan, igande goizez, beraien soinuekin beasaindarrak ernatu edo dagoeneko karriketan dabiltzanak animatzen dituzte, beraiekin batera herriari itzulia emateko. Joare soinuekin segituz Iturengo joaldun ttikiek ere beraien ekarpena edo laguntza egin zuten Enaitz lagundu elkartasun egunean. Itzulia egin zuten Beran zozketa egin baino lehen. A zer nolako indarra eta gogoa erakutsi zuten gazteek!
Akitzeko, gure herriko dantza taldeko neskatxak ekainaren 14an Irurtzunen ospatu zen Nafarroako dantzari egunean parte hartu zuten. Hainbat eta hainbat dantza talde izan ziren bertan. Gure dantzari fine Irurtzunen dantzatzea tokatu zitzaien Paloteado de cortes, Garaztarrak(Donibane garazi), Makaia (Faltzes), Lantz eta Luzaideko dantzariekin batera.Gero bukatzeko dantza talde guztiek Irurtzungo herriko plazan elkarrekin hainbat dantza datzatu zituzten.