Abstentzio haundiak %55,85 eta Frente Nazionalaren gorakadak markatu zituzten Europako hauteskundeak Senperen ere. Marine Le Penen alderdia bigarren indarra bilakatu zen 297 bozekin (%15,71) UMPko eskuindarren ondotik, 437 bozekin (%23,12). Eskuineko bi indar hauen ondotik sailkatu ziren Eusko Alderdi Jeltzalea 277 bozekin (%14,66), ekologistak 273 boz (%14,44) eta sozialistak 140 boz (%7,4). Ezker abertzaleak ez zuen hautagaitzarik aurkeztu. Hurbiletik begiratuz, azpimarratzekoa da FNk 464 boz ardietsi zituela 2012ko presidentzialetan eta beraz 167 boz galdu dituela bi urtez. Sozialistek abantzu 700 boz galdu dituzte eta eskuindarrek 451. Jeltzaleek emaitzak hobetu dituzte aurten 42 boz baitzituzten 2012ko hauteskunde legegileetan eta 87 2009ko Europako hauteskundeetan.