Bestetan erabiliko den kartela aukeratzeko lehiaketa antolatu du Iturengo udalak. 16 urtetik goitiko edozeinek hartu dezake parte eta ekainaren 17a, astearte eguerdia, izanen da lanak aurkezteko hondar eguna. Irabazleak 100 euro eta sari sorpresa bat irabaziko ditu.
Kartela egiteko gaia eta teknika irekiak izanen dira eta lan orijinala behar du izan. Beti ere, Ituren edota bere izaera edo kulturaren ezaugarriak agertzea baloratuko da. Formatua eta teknikari dagokienez, lanak A3 tamainan inprimatuko dira (29’7x42 cm.) eta formatu digitalean aurkeztu beharko dira, 240 ppp guttieneko erresoluzioaz, edozein teknika erabiliz.
Leloari dagokionez, Iturengo Bestak 2014 Uztailak 18-21 agertu beharko du eta beranduago egileari emanen zaion programa itxekitzeko tokia kontuan izan beharko du.
Pertsona bakoitzak lan bakarra aurkez dezake udaletxean edo udala@ituren.es helbidean.
Irabazleak 100 euro irabaziko ditu eta aurkeztutako lan guziak udalaren esku geldituko dira, hilabeteko epean egileak eskatzen ez badu behintzat.
Lan guztiak jaso ondoren erakusketa publikoa eginen da eta herritarrek erabakiko dute zein izanen den kartel irabazlea. Edozein zalantzaren aurrean, udalak izanen luke azken erabakia hartzeko eskubidea.