Asteburu honetan, ekainaren 15ean urteroko hitzordua izanen dugu Mendaurko trinitate ermitan. Herritarrentzat egun haundia izaten da baina Arantza, Sunbilla, Zubieta eta inguruko herrietatik ere biltzen da jendea.
Goizean bi meza izanen dira 10etan eta 12etan. Jende aunitz Trinitate ermitaren magalean jarri eta gosari eder baten bueltan bilduko da lagun artean eta batzuk ohiturari eutsiz harri bat hartu eta ermitari 3 buelta eman ondoren desio bat eskatuko dute.
Eguerdian enbaltsetan bazkaria eginen dute aurtiztarrek eta Ittundarrek eta ilunabarra arte musika izanen da bazkal ondoa girotzeko. Ondotik denak elkarrekin Aurtitzera jautsi, tragoxka batzuk hartu eta Iturenen akittuko dute hitzordua. Gauerdira arte dantzaldia izanen da Iturengo Plazan.